Se muestran los artículos pertenecientes a Noviembre de 2007.
05/11/2007
Plataforma d'Esfensa d'a luenga Aragonesa (P.E.A.)
Fa poco que ha amaneixiu un nuebo (encara que biello) sistema d'ayuda a l'aragonés: a Plataforma d'Esfensa d'a luenga Aragonesa. Ista organizazión que en fa parte chen de muitas asoziazions y colectibos diferens mira de promozionar, reibindicar y esfender l'aragonés como un ente plural que arrocle todas as personas que tiengan iste cometiu.Dende l'apolitizidat, farán aczions dreitas, campañas y demandas sobre temas como a Lei de Luengas, l'oblido de l'aragonés por as instituzions aragonesas, u a normalizazión de l'aragonés en os meyos publicos de comunicazión y en a soziedat en cheneral.
Sin duda, ye una buena notizia a creyazión d'ista meta asoziazión, más que más cuan, y sin estar o mesmo, dende Chuntos por l'aragonés no plegan guaires notizias de mobimiento. Cal que a unidat contine, encara que sía con atro nombre.
Ta saber-ne más: os blogs Estricalla y Remenches, asinas como a pachina web d'a dita plataforma (PEA).
13/11/2007
Contra o Razismo, a millor memoria ye luitar güe.
Iste sabado tenez una fita a la que no podez faltar. Dimpués d'as zaguers enrestidas faxistas d'os zaguers años y a zaguera d'o domingo en Madrit nos emos de fer sentir en a carrera. En a Pza. d'as Canteras d'o zaragozano bico de Torrero. Nos i beyemos!!
22/11/2007
Zinqueno cabo d'año Unibersidá en Z.S.A. A Enrestida
Os nuestros compañers de Unibersidá Coleutibo Aragonesista son de zelebrazions y ya fan zinca añadas dende que prenzipión o suyo treballo en a Unibersidá. Dica alabez no i eba garra alternatiba aragonesista de cuchas en o claustro unibersitario, ya de por sí asabelo de despristichiau. Pero poquet a poquet prenzipiando cuatro amigos de militanzia logrón arroclar un bloque que fue crexendo y ganando bel claustral en as elczions d'as diferens Facultaz: Incheniería, Albeitar, ... ; fendo-se parti alazetal d'as manifestazions Antiguerra, anti LOU... En cheneral: charradas, informazión y aragonesismo en un ambito muitas begadas xublidau y con muita importanzia.
30/11/2007
DVD Berri Txarrak- Zertarako amestu. O poder d'a mosica minorizada
Dende que en 1994 cuatro chobens de Lekunberri (Nafarroa) prenzipiasen a tocar por os gaztetxes de Euskal Herria nunca no s'esen prexinau que plegarían a editar 6 discos y ferían una chira que les lebaría por meyo mundo. Esnabesando meya Asia, dica America u plegando en Ozeanía, y prou que sí en os puestos mas siñaleros d'Europa. Contrimostrando que a calidat no ye carrañada con a luita politica ni as luengas minorizadas. Berri Txarrak ha feito plegar una luenga como l'euskera charrada por bel meyo millón de fabladors enta: Hong Kong, Irlanda, Chapón, México. Nueba Zelanda. Países Baxos... y con él as suyas letras y a Independentzia. Agora sacan iste DVD "Zertarako amestu" amostrando os millors intes d'a suya ch
... (... contina)
.