O millor d’o periodismo descolonizau en A Enrestida

 

A colonizazión estió uno d’os terminos que más esclateros quedón en a charrada que podiemos sentir o zaguer biernes 19 en o Z.S.A. A Enrestida, dentro d’as chornadas d’o 300 cabo d’año d’a ocupazión española d’Aragón.

Porque o ponén d’ista charrada, Chorche, periodista, dixó prou esclatero a diferenzia entre o periodismo aragonés que s’abría de fer en toz os meyos de comunicazión que asinas se definen y o que en l’actuilidat se fá en “toz” ellos.

O libro d’estilo ye una d’as caracteristicas que millor podrían definir l’españolismo d’os meyos aragoneses, tanto escritos, como radio, como audiobisuals. Chorche fazió una presentazión an que beyemos exemplos ambute  d’a prensa escrita, puesto an que os terminos nazional, país, u as primeras personas son irrefutablemén identificaus con l’Estau español. Y unatra ripa de terminos, belunos imbentaus, como comunidat aragonesa, rechión, territorio,… son relazionaus con Aragón, induzindo muitas begadas a la alegalidat ya que Aragón ye declarada “Nazionalidat Istorica”.

Tamién plegaría o turno ta la rezién creyada Radio-Telebisión Aragonesa do en a bida cutiana de cualsiquier informatiba se contrimuestra a terminolochía españolista plegando a cambiar a seczión de informatibos de “España” por “Nacional” ta que quedase, por siun caso, bien esclatero a que nos somos referindo; resultaus d’esportistas españols sin fer referenzia a qui a ganau o torneu, u expesions como a “Seleczión Española, a nuestra” sin garra duda.

Toz istos comentarios estión debatius y refirmaus por compañers treballadors d’ista canal publica que bosamos toz, pero que cualsiquier trucada de telefono de determinaus partius politicos puede fer tremolar un puesto de treballo.

A la fin plegaría o tiempo de l’aragonés con o zaguer mini-documental feito por Chorche “Creciendo en aragonés” emitiu por Aragón telebisión no sin polemica. Rezagau bellas bezes por considerar-lo politico, y a la fin unico documental emitiu por R.T.V.A. sobre l’aragonés. No menos razons de carrañar-se tiene o catalán, marguinau tamién, y contestau por un amplo sector d’a poblazión aragonesa colonizada influyida por tantas añadas d’odio dende os meyos de comunicazión aragoneses enta tot lo catalán. Nunca enta la potenzia colonizadera.

2 comentarios

[A Enrestida - 24 de octubre de 2007 - 08:22]

Pues a charrada se grabó pero, por lo que he puesto saber, no quedó guaire bien porque i sale a chen entremeyo cuan se lebantaba u beniba... Ya beyeremos si se'n puede sacar cosa.

[Natxo - 23 de octubre de 2007 - 16:26]

Endavaaaaaaaaaant! La conferència fot molt BONA pinta! No la teniu en vídeo?