Blogia
A Enrestida, diya par d'atro

TROBADA DE CANTAUTORS EN A ENRESTIDA

TROBADA DE CANTAUTORS EN A ENRESTIDA

Unatro cabo de semana más i eba trobada cultural en o Z.S.A. A Enrestida. Iste sabado 2 d’Abiento l’asambleya Anti-expo Zaragoza eba dezidiu de fer una Trobada de Cantautors en o nuestro zentro sozial dentro d’unas chornadas en refirme a ista plataforma. Cantautors benius dende Barzelona, Toledo u Bilbao nos contarían, fendo serbir a mosica, as suyas inquietuz y os problemas d’as suyas ziudaz. Atros zentros sozials, como a "Revuelta", y a nuei anterior "Rasmia", ya eban aculliu tamién ixa mesma tardi l’autuazión d’atros cantautors.

Pero a nuei d’o sabado se presentaba bien, os zenisers s’iban emplindo de bez que os nierbols s’apoderaban d’os cantautors y tan ascape como s’iba plenando o zentro sozial. "Grado Cosmético" y "Claro que sí" yeran os encargaus de fer plegar ta las nuestras orellas o mensache, con o simple soniu d’as suyas bozes, guitarras y mesmo bella armonica. Cantas sobre os problemas d’una ziudat castigada por as drogas, Bilbao, d’una larga baralla por a desaparizión d’as garcholas y muitos atros temas que bien podemos padezer en atras ziudaz como Zaragoza.

Ta rematar una choben y un choben rezién plegaus de Barzelona nos contarían, cantando prou bien, as suyas ideyas y bibenzias plenas d’autochestión y alternatiba. O ligallo con ista mena de mosicos yera la enchaquia ta que toz quedasenos combidaus ta otra nueba autuazión ista mesma semana en un zentro okupau de Barzelona, d’an que os cantautors beniban.

Atra alternatiba ye posible, en Zaragoza y a resta de ziudaz. Porque encara que a Expo ye a fuga d’a especulazión en Aragón, muitas Expos se manifiestan de muitas trazas en todas as ziudaz.

1 comentario

Chorche -

MM, una ideya, soxerenzia...porque no emplegaz o blog tamién como cartel..ye dizir..que puestar que estase bien que isto d'os cantautors, por exemplo, podebaz aber-lo anunziato antis por aquí.