Blogia
A Enrestida, diya par d'atro

Biernes 14 d'Abiento. A cucha que luita ye en a carrera

- Combocatorias

ISTE BIELLO PUEBLO ENCARA RESISTE

A CUCHA QUE LUITA YE EN A CARRERA


Una añada más plega o 20 d´Abiento, una calendata alazetal en a istoria d´o nuestro pueblo. Ixe diya no remeramos l´asesinato d´un miembro d´alta nobleza aragonesa, Chuan de Lanuza, Chustizia Mayor d´o Reino. No remeramos unas leis meyebals, os fueros, ni unas Cortes estamentals. No remeramos un “glorioso pasau” como Reino, do lo pueblo no pintaba mica antiparti de serbir y obedexer.

O 20 d´Abiento remeramos que en 1591 as clases populars d´o nuestro pais surtión t´a carrera ta esfender os suyos dreitos como aragoneses/as. Ta fer frén a una imposizión que creyeban inchusta per parti d´a monarquía ispanica. Ta chilar que somos un pueblo y que os nuestros afers os soluzionamos nusatrxs mesmxs y no pas un rei extranchero como yera Felipe II de Castiella.

Remeramos que dimpués d´as algaradas populars contra o monarca, iste respondió con a inbasión melitar d´o pais con un exerzito de 20.000 soldaus. Remeramos a os nuestros chirmans y chirmanas condenaus a muerte y executaus, arredol de 50 en tot lo país, a mayor parti labradors, sirbiens u treballadors manuals. Remeramos a os zientos de detenius y sosmesos a tormento (o que güe clamamos tortura), a os engarcholaus, a o exiliaus y a os que abión de pasar a la clandestinidat ta continar con bida.

Remeramos que dimpués d´a represión, Felipe II ordenó a construzión de fortificazións en bels puestos d´o país ta aloxar-ie destacamentos melitars y prebar d´ebitar futuras insurrezions. Y a la finitiba, remeramos que iste ye l´escomenzipie d´a imposizión española sobre Aragón y d´a construzión d´una nueba reyalidat artifizial alazetada en a represión, a biolenzia melitar y a uniformizazión cultural, clamata España. Y será más d´un sieglo dimpués, en 1707, cuan dezaga d´una nueba ocupazión y per dreito de conquista d´os españols, rematará o prozeso de desaparixión d´a nuestra identidat como pueblo.

Os/as independentistas reboluzionarios aragonesxs emos de recuperar o carauter combatibo d´ista calendata. Emos de organizar a resistenzia contra España y contra o Capital, y güe, como fa más de 400 añadas, os que somos abaixo, as clases populars, emos de autuar y luitar dica la total liberazión nazional y sozial d´Aragón.

A luita independentista ye una luita reboluzionaria, no puede estar de una atra traza. Ye una luita contra un estau capitalista que nos oprime como pueblo y nos explota como clase. Que estricalla a nuestra luenga y a nuestra cultura. Que plena a tierra nuestra de poligonos melitars, entibos, empandullos economico-especulatibos como a Expo u Aramón, macro-zentros d´exterminio d´as personas como a garchola de Zuera u que explota os nuestros recursos naturals. Tot isto ta continar con o procheuto más que rentable que t´a burguesía supone a existenzia de España, y con a complizidat d´a clase politica caziquil aragonesa.

Contra ixo nomás nos cal l´auto-organizazión popular ta creyar una alternatiba anticapitalista enradigada en a nuestra reyalidat nazional que responda a las agresions españolas y le dé a parola a o pueblo. O pueblo aragonés tien dreito a dezidir sobre o suyo futuro y a organizar-se d´a traza que creiga más conbenién seguntes os suyos intereses, que no son os d´España y a burguesía.

O 20 d´Abiento ha de estar un diya de luita per a nuestra emanzipación nazional y de clase, y ixa luita ha de continar de traza firme y cutiana dica conseguir os nuestros ochetibos: l´autodeterminazión, a independenzia y o sozialismo.


Entalto Aragón libre y sozialista!
Visca el Poble!
Entalto a Reboluzión!


En Aragón, Abiento de 2007
Bloque Independentista de Cuchas (B.I.C.)

8 comentarios

aragones -

Y igual ye uno de nusaltros que tiene ganas d'enredar, que somos tan socarrons que cualisquier cosa.

Igual ye lo mesmo chuzón que lo que va fer lo blog Trastamara, una mena de Losantos en aragonés.

Estoi que yera cachondeo.

ni caso -

No le faigaz ni caso a o patriota ixe. U ye un barrenau u ye beluno que se'n quiere esmelicar de nusatros. ¿Que collons ye ixo de "as Espanyas"? ¡Ni que estasenos en a edá meya! Iste será bel probre ombre que s'aburre muito y no tiene atra cosa millor que fer que endizcar y prebar de fer-se la figa de nusatros. Lo millor que podemos fer ye inorar-lo, no siga que se creiga importán y no dixe de fer-nos a tana.

bitor -

cal saper leyer dentre ringleras y entender as cosas, o mesmo que agora bi ha chen que se siente espanyola en Aragon -esferens causas-, en 1707, pasaba tamien.

patriota -

Cierto, o testo no diz que a chen demandaba a independencia, pero lo fa entender: "y güe, como fa más de 400 añadas, os que somos abaixo, as clases populars, emos de autuar y luitar dica la total liberazión nazional y sozial d´Aragón."
A realidat estió que bels aragoneses quison esfender os suyos fueros, no pas luitar per no se sabe qué liberación nacional u social, perque ni se custionaban a monarquía ni a unidat d'as Espanyas.
E atra coseta, en 1707 bi habió una guerra entre aragoneses que esfendeban á pretendiens diferens á la corona espanyola e no una guerra d'aragoneses contra espanyols. Que agora queraz presentar ixos feitos como una mena de naximiento d'o independentismo aragonés sí que ye una manipolación.
E s'agradex a invitación, pero no soi "chepi" e no seré iste viernes en Zaragoza, fe-te cargo, no voi á baxar-me-ne per tan poqueta cosa.
Per cierto, no ye "a" rete, ye "o" rete.
Esprisions

Anti españoles manipuladores -

Ixo que dizes ye manipoliar.

Mas que mas, porque no mete en garra puesto d'o texto ixo de "n'o sieglo XVI os aragoneses saliban t'a carrera chilando independencia". Asinas que no manipolies. Lo que si diz ye que bi abió una chen que luito contra contra a imbasion melitar castellana. Y bueno o texto ye denzima, leyelo millor. Y si yes un españolazo y no te cuaca, a nusatr@s rai, y si te carrñas pues te fas una palla.

Pero bueno, de todas trazas, patriota español, si quiers, amana-te o biernes y parlamos en presona, que isto de a rete ye muito impresonal.

Dica mas beyer, españolazo

patriota -

Muitos aragoneses, o novanta e muito per ciento d'o total, somos os que mos sentimos espanyols. Si tú, u vusatros, no tos querez sentir mica espanyols, pos como si tos querez sentir chinos de raso. O que no podez fer ye inventar-tos a historia. ¿Qué fatería ye ixa de que n'o sieglo XVI os aragoneses saliban t'a carrera chilando "independencia"?

zierzo -

Tu habla por ti, porque hay muchos aragoneses que no nos sentimos españoles para nada. Yo por ejemplo, quiero la independencia de mi país (nación)

patriota -

Se coneix que d'aragonés no en sabez guaire e d'historia no'n sabez mica. Aragón siempre ye estato alacet d'as Espanyas e os aragoneses siempre nos hemos sentito orgüellosos d'a nuestra hispanidat. Ni as vuestras mentiras ni a vuestra rabia podrán esborrar a realidat.
Viva Aragón, vivan as Espanyas.