MANIFESTAZIÓN SABADO 4 DE NOBIEMBRE. NO MÁS BASE POR PETRÓLEO

Con enchaquia d’o refuse a o gubierno español, que agora ye presidiu por o "pazifista" Rodríguez Zapatero, que ye mirando-se de que a OTAN istale en Zaragoza o zentro de mando d’o sistema de bichilanzia y espionache global d’os Estaus Unius.

Se ba a fer una manifestazión o sabado 4 de Nobiembre, a las 18h.(con trayeuto dende l’edifizio de l’antiga capitanía dica la delegazión d’o gubierno en a plaza d’o pilar), combocada por a rezién creyada plataforma contra la OTAN, ya que o prozeso d’asiganzión d’a nueba base d’ista organizazión melitar se ferá a metat d’o prosimo mes de nobiembre.

Sobre ista angluzia de puyar o gran numero d’usos belicos en Zaragoza, plega d’insistir-ie o menistro José Antonio Alonso en a suya rezién besita a o campo de maniobras y tiro de San Gregorio, una istalazión que absorbe una terzera parti d’o termino munizipal, asabelo d’embrecada dende fa añadas en operazions con atra Base, ista en Betera(Balenzia), ta apañar as dos istalazions con os standars d’a OTAN.

Ta resumir a gran cantidat de razons por la que nos openemos a que se faiga ista base emos acudiu enta o coleutibo COA-MOC de Zaragoza, qui dende a suya pachina web han feito un listau con asabelo de razons por as que cal oponer-se a que se trigue a Zaragoza como base operatiba prenzipal d’o esbenidero sistema de bichilanzia d’a O.T.A.N.:

1- En primer puesto, a nuestra sorpresa por o feito de que se piense en Zaragoza ta una faina d’ista mena, al estar una ziudat que ya sufre una carga melitar importán: 40 % d’o territorio, incluyidas as 33.839 Has. D’o Campo de Maniobras de San Gregorio, o mayor campo d’entrenamiento melitar d’Europa. ¿Ista nueba istalazión melitar refirma a desertizazión d’Aragón?

2. Ista nueba base d’a OTAN sería peligrosa ta la nuestra ziudat por a esferra en o meyo ambién que fería, os seguros y contrimostraus riesgos y peligros d’azidens, en Zaragoza capital y probinzia, antimás de tornar-nos, encara más, en un ochetibo melitar.

3. Tamién suposaría a complizidat con una politica melitarista y de guerra que no fa mica onra a la resoluzión chusta d’os conflitos y nos condena a la guerra ta cutio, ixo se puede beyer en feitos coomo as guerras d’Irak y Afganistán.

4. Establir ista base d’a OTAN ye un trango más fundo, en a colaborazión de l’Estau español en a esfensa d’unos intreses economicos y cheoestratechicos d’os poderosos d’os planeta, condenando a la miseria a una gran parti d’a poblazión mundial. Con ista base, a nuestra ziudat y Aragón se tornaría en uno d’os alazez d’o engranache de control mundial que os EEUU, con o refirme d’a OTAN, fan sobre o mundo. ¿Ye un de deseyo/orden de EEUU ta tornar a tener a base que se’n fue?

5. Ista base suposará un eslabón más en o estrinque de melitarizazión d’a nuestra tierra. Dengún que siga por una soziedat en paz, en a que desaparixcan as guerras, puede dixar-se bender por unos supuestos benefizios economicos y unos puestos de treballo que bien podrían escar-se en iniziatibas zebils y no pas melitars. ¿No se podría empentar y apañar un aeropuerto ta la zinquena ziudat de l’Estau? ¿U ye que ista nueba istalazión melitar no tornaría a retallar as alas de l’urchén buelo de progreso d’alcuerdo con a demanda d’a soziedat?

6. Como alazet d’una politica berdadera de prebenzión d’os conflitos, esichimos que no busque a soluzión melitar fázil que, en reyalidat, torna a presenzia de tropas estrancheras en una guerra ta cutio, en diferens puestos d’o mundo. Que se controle y se mire de sacar reyal y legalmén o comerzio d’armas, a suya fabricazión, a suya benda y distribuzión.

7. Esichimos que dixen de destinar-se recursos umans, materials y economicos ta la guerra y se eslicha o camín de politicas de solidaridat y chustizia en tot lo mundo, que paren cuenta o refirme d’as autenticas organizazions que esfienden a democrazia en países en conflito.

8. Creyemos que en a soziedat zebil bi ha unas ansias profundas de paz y de chustizia. Dende o nuestro coleutibo luitamos por isto. Criticamos y denunziamos a istalazión d’ista base en a nuestra tierra, Aragón, asinas como o conchunto d’istalazions que ya sufrimos, fendo que isto se parixca más a una colonia melitar española.

COLECTIVO DE OBJECION Y ANTIMILITARISMO-ALTERNATIVA ANTIMILITARISTA.MOC, adscrita a la Internacional de Resistentes a la Guerra (IRG-WRI) mambru(at)unizar.es C/ Liñan 8, local dcha., 50001 Zaragoza. Tfno.: 976 39 30 08 (lunes de 20,30 a 22h.) Apdo. correos: 1286 (50080) Zaragoza. Insumissia: http://www.antimilitaristas.org/

mas información en :
http://www.antimilitaristas.org/article.php3?id_article=2591