MANIFIESTO TA LA MANI ANTITAURINA ZGZ
Fa una añada que se fazió a zaguera manifestazión antitaurina en Zaragoza, en as zagueras fiestas d’o Pilar. Cuasi una añada dimpués d’una fita istorica, a mayor manifestazión antitaurina y animalista que nunca no s’eba feito en Aragón. Una añada d’aquella tardi en a que cuasi mil garganchons estió una ta dizir NO a o negozio taurino y PROU a aquels que les fa goyo o sufrimiento d’os animals. Estió, sin garra duda, tot un esito de partizipazión y d’organizazión que emos superau estiaño.
Pero en ista zaguera añada han pasau muitas cosas, cuasi todas positibas ta o mobimiento antitaurino. Por exemplo, en Cataluña, ya son más de 30 os monezipios que se han declarau antitaurinos y amans d’os animals. Tamién en Cataluña, o sentimiento antitaurino ha plegau enta o Parlamento, y se i ha tratau a posibilidat de biedar por Lei as corridas de toros, encara que o tramite s’ha aturau por as elezions antizipadas en ixa comunidat. Si no estase por iste "cambio de gubierno", de seguras que por istas engüeltas seríanos charrando d’atra comunidat autonoma en a que as corridas de toros serían biedadas, superando ixa imachen biella de l’Estau español gozando d’a muerte d’un poliu animal.
Difuera de Cataluña, o mobimiento anitaurino tamién ha contrimostrau que ye más bibo que nunca. Antimás d’a manifestazión de Zaragoza de l’añada pasada, muitas atras ziudaz s’han animau a manifestar-se en contra d’a tortura taurina: Madrit, Barzelona, San Sebastián, Bilbao, Obieu, Cádiz, Castellón y atras muitas ziudaz han chilau NO a o maltrato a os animals en trazas d’espeutaclo tradizional. Antimás, istas manifestazions son cada begada más numerosas, contrimostrando que, contra o publico taurino, cada begada somos más os que refusamos cualsiquier mena de tortura a os animals en nombre d’a cultura, d’os diners u d’a tradizión.
Y estiaño ha estau tamién l’añada d’as combocatorias masibas en contra d’atrás autibidaz taurinas diferens a las corridas de toros. Asinas l’Enzierre Umano de Pamplona, organizau por PETA en colaborazión con atras muitas asoziazions en os Sanfermins, como a manifestazión en contra d’o "Toro de la Vega" en Tordesillas, combocada por o PACMA en o mes de Setiembre, han meso firmes esitos d’asistenzia y d’organizazión. Más de dos mil presonas en a primera fita, y más de zincozientas en o segundo, en o que cal chugar-se o fesico ta contrimostrar o nuestro refuse a la tortura, suposan un gran logro ta todas as asoziazions y particulars que emos partizipau en istas aizions a ran estatal. Logro que antimás, ha teniu un importán eco en os meyos de comunicazión, no siempre guaire afins a os nuestros ochetibos y rebindicazions.
Como contrapartida emos de denunziar publicamén a las entidaz que estiaño empentan as corridas en Zaragoza y que son Heraldo de Aragón, Cajalón, Conzello de Cuarte, y Vino de Borja. O nuestro refuse y boicot a toz ellos.
Cada begada somos más. Iste ha estau l’añada d’a mobilizazión cheneral en toda la peninsula. Ye o resultau de muitas añadas de conzienziazión ziudadana que agora prenzipia a dar os suyos fruitos. Y isto no ha feito que prenzipiar, como a bola de nieu que roda sin aturar-se fendo-se cada begada más gran dica que l’esclate a o mundo taurino y a os politicos que la sochetan.
As nuestras armas son a razón y o catén. Y imos a continar como a chisla d’augua que caye una zaga d’atra en a piedra dica que la forada. No tenemos diners ta as nuestras campañas, ni controlamos mica meyo de comunicazión de masas, ni tenemos representazions parlamentarias, pero ni ixo, ni cosa ba a fer que iste mobimiento contine crexendo.
Taurinos y politicos, ¡paraz cuenta!, l’añada benién, en seremos muitos más.
- - - - - - - - - - - - - - - -
Ta rematar, agradexer a las entidaz que han colaborau u s’han chuntau ta la manifestazión:
A Enrestida
Amnistía Animal
Asociación de Vecinos La Madalena
C.G.T.
Chobenalla Aragonesista
Colla Antitaurina Oszense
Ecologistas en Acción
Gentes de apoyo a la liberación animal
Juventudes Comunistas de Aragón
Rebel
Sociedad Aragonesa de Protección a los Animales y Plantas
Unibersida-UCA
Y muitas personas a ran indibidual.
Grazias a toz por a buestra asistenzia y remerar que siempre bi abrá una manifestazión o primer domingo de fiestas.
1 comentario
anonimo -
2º-Antes de la corrida, al toro bravo se le trata mucho mejor que a los toros de matanza de la bioindustria. La corrida de toros es una muestra del aprecio y respeto de la fuerza del animal. Las corridas de toros no se ven como deporte, sino como una mezcla de arte, baile y muestra de virilidad.
3º-Una corrida de toros sirve para descargar colectivamente sentimientos negativos y agresivos. Eso es sano. Los toros son un símbolo casi religioso de la lucha entre el bien y el mal. El toro representa el mal.
4º- Un estudio inédito que demuestra científicamente que el toro de lidia tiene menos estrés durante la lidia que durante el transporte. Ante el dolor que le ocasiona el castigo, libera betaendorfinas (hormonas) contrarestando el sufrimiento, con un nivel muy bajo incluso nulo.
5º-Dios ha creado a los toros para luchar con el torero y morir en esa lucha.
6º-Los toros bravos solo son criados por su bravura durante la corrida. La abolición de los toros significa la pérdida de una especie de animales única.
7º-Los toros forman una parte importante de la industria turística española. Las corridas de toros son la Fiesta Nacional. Son el símbolo de la esencia del país. Actuar en contra de los toros es actuar en contra de España.