II Concurso de relatos en Aragonés. A Enrestida.

Fiestas con Istoria propia. O Zipotegato.

Encara que ya queda poquet ta rematar o berano iste cabo semana nos dezidiemos bels miembros de A Enrestida a ir ta una d’as fiestas con más tradizión y afluyenzia d’Aragón , O Zipotegato de Tarazona. Ista ziudat ye una d’as más polidas y de bez xublidadas. Con os suyos bels 11.000 abitadors beye como os diners de Zaragoza nunca ban t’astí y a begadas ye más fazil acudir enta os bezins d’a ribera Nabarra. Con tot y con ixo a ziudat cuenta con una larga trazión d’esfensa d’Aragón frente a os bezins Nabarros y Castellanos, en o suyo casco istorico se beyen as trazas que i dixón os chodigos, arabes y cristianos contrimostrando, de nuebas, o mezclallo cultural que dende fa muitos sieglos carauterizó Aragón.

As fiestas d’o Zipotegato son atro exemplo d’a sacralizazión d’as fiestas, un elemento pagano de tot que estió critianizau ta pasar a clamar-se as fiestas de San Atilano, que antismás se zilebraba en as primeras semanas de Otubre pero que como feba fredo y no bi iba chen se cambión enta o diya de San Agustín, o 27 d’Agosto, diya en que se zelebra dende alabez, encara que as fiestas continan clamando-se en onor a San Atilano.

Seguntes as istorias d’o lugar l’orichen d’o Zipotegato tiene dos bersions:

-Uno, cuan bi eba mazmorras y garcholas en os numeros palazios de Tarazona, un diya a la año dixaban escapar a uno d’os suyos presos condenaus a muerte, y si podeba esnabesar a muralla tanimientres le lanzaban zaborros os bezins sería libre.

-L’atro, y iste más creyible, deribó d’o elemente pagano d’o Zipotegato, mui común tamién en atros lugars d’a redolada de Borja y Tarazona, que acompaña a palotiaus y ba contando os alcagüeteos y istorias d’os lugars. Con un trache de colors bibos y una bara con un cordel ta foter a os ninos.

O Zipotegato, trigau entre toz os bezins que s’han quiesto presentar a o sorteu, esliche o suyo camín dimpués de salir d’a Casa d’a Billa siempre acompañau d’os suyos compañers y esnabesará a toda la masa de chen tanimientres rezibe una plebia de tomates de toz os costaus. A fin d’o camín será una casa en o casco biello que tienga bella cosa que bier con a suya familia, a la fin rematará tornando en os brazos d’a suya cuadrilla de nuebas enta la plaza y se’n puyará ta la estatua d’o Zipotegato, ista begada ya sin tomates.

A fiesta a rematau tornando-se en a más gran d’o lugar y, como en muitos atros puestos, se i bibe tot lo diya en a carrera. Os bars sacan as barras t’a carrera do, un poquet ya menos plenos de tomate, se contina de borina dica que se puede. A pena ye l’inchustificable ambién de "maquineo" y "pastilleo" que se i creya, por atro costau que ya se fa lamentablemén tipico de muitas fiestas d’Aragón, que fa pensar que somos en o meyo d’una gran discoteca. Un ambién que poco combida a fer charrazos u rebindicar feitos ta una ziudat istoricamén plena de caziques y dominau por a ilesia. A poblazión se beye dixada por una apatía cuyo unico intrés en istas fiestas pasa por bosar a entrada d’o toros ta pasar una tardi de borina sin nian sisquiera entender-ne ta poder criticar-lo.

Como elemento positibo comentamos os conziertos de mosica punk que se zelebrón ixe mesmo sabado, prebio a o zipotegato, en una nabe okupada con bandas d’a redolada; chen como a que eba organizau "Irrazional Novallas"; a cada begada más numerosa poblazión que se bi intresa por l’aragonés u por a mosica tradizional que ha plegau ha creyar bella cambra d’aprendizache.

 

O refuse no atura

Encara no ebanos charrau guaire sobre iste tema pero, a l’igual que en muitas atras ziudaz d’o mundo, en Zaragoza se bienen fendo conzentrazions en refirme a o pueblo de Libano y Palestino todas as semanas.

Dende que prenzipiasen os bombardeos y os trucazos d’Israel contra la poblazión zibil de Libano toz os martes i hai una fita con l’internazionalismo solidario en a plaza d’España de Zaragoza a’l canto de l’edifizio d’a Deputazión Probinzial de Zaragoza. Encara que no son buenas calendatas ta estar perén en a tuya ziudat, l’asistenzia de chen podríanos dizir que ye cuasi masiba toz os martes a ixo d’as güeito d’a tardi. Chen de cuasi toz os coleutibos alternatibos de Zaragoza y mesmo bels politicos se i pasan a ormino. O mesmo 22 d’Agosto en plenas bacanzas de berano se tornón a comobacar-ie zentenars de personas ta denunziar "l’afán expansionista de l’Estau d’Israel". L’auto como toz os que emos puesto acudir a lo largo d’o mes de Chulio y Agosto estió combocau por o Foro Palestina Libre de Zaragoza, os cuals reclaman, como no puede estar d’atra traza, "a restituzión inmediata de l’integridat d’o territorio libanés y a suya soberanía nazional" asinas como que Israel apañe de tot a esferra que a probocau en Libano, tanto a ran personal en a suya poblazión como a ran material en todas as poblazions y carreteras en que s’han feito os suyas enrestidas.

A chen que emos puesto asistir-ie emos bisto a tristeza y a rabia con que biben ista situazión a chen que bibe en Aragón pero que tiene a la suya familia bibindo en Palestina u Libano. Familias y fillos mui chicoz que dende a suya curta edat ya entienden como y dende an se nabega iste mundo. A diferenzia entre bibir en un Estau rico d’os que controlan tot o poder y bibir en un Estau pobre y estar controlau, a begadas, como o caso de Palestina sin nian sisquiera tener un Estau reconoxiu por atros países. Os ninos y a chen palestina que plorando reclamaban a fin d’as enrestidas israelís no reblarán en fer beyer a o mundo a inchustizia que astí se ye cometendo, ellos tienen suerte de no bibir-ie pero saben mui bien a suya reyalidat.

Todas istas autuazions no son nuebas en Zaragoza, encara que sí agora se fan más asobén y con más chen. O Foro Palestina Libre leba añadas remerando a situazión de pobreza y acoso a la que Israel ye sometendo a Palestina. Mediante biaches y contautos nos trayen informazión d’a berdat y de bez sirben d’aduya a la chen palestina que bibe en Zaragoza.

As fiestas d’o lugar pero con o lugar.

Herritxarran Andramaxak.(Los Andramaris para los del pueblo).

Dentro d’o nuestro chicot bloq ebanos dezidiu incluyir un alpartau an que no nomás se podesen escribir articlos d’opinión u de politica como tal. Ye un alpartau en que escribir as borinas y puestos que imos bisitando en as nuestras bacanzas u biaches de cabo semana, biaches en que conoxer a reyalidat d’atros lugars y pueblos.

Ista begada belunos d’os miembros de A Enrestida fuemos a pasar as fiestas de Ondarroa (Bizkaia), no yera la primera begada que i yeranos y como siempre nos ne trayemos un buen lametón de luita sozial y rebindicatiba d’uno d’os lugars más euskalduns y combatibos d’Euskal Herria.

A situazión d’o conzello d’iste poliu lugar d’as costa de Bizkaia yera mayoría ta os conzelleros de Batasuna en as zagueras elezions, cosa que cambió fa 3 años cuan por meyo d’a lei de partius s’ilegalizó a ista formazión. A situazión d’o conzello cambió de raso cuan se tornón a repartir os puestos de conzelleros y o siguién partiu más botau, PNV, pasó a tener en as suyas mans o conzello. O lugar se puede beyer pleno de cartels an que os coleutibos chobenils claman "Lapurrak (ladrones)" a toz ixos conzelleros, incluyiu o PP que nunca antis no eba teniu representazión en o lugar, que han conseguiu o suyo puesto dimpués d’a Lei de Partius.

Dende que a color d’o conzello cambio toz os recursos que iban destinaus ta la chobenalla, fiestas, y demás… dixón de ir-ie y as fiestas d’o lugar, an que toda la chobentú i son implicaus, se beye que no les fa mica goyo a o nuebo conzello: o retallo presupuestario ta os conziertos, a manca de fazilidaz en as istalazions d’o conzello y mesmo a escoscadura d’a plaza an que son as "txoznas" ebidenzian tot isto.

Ta que a chen d’o lugar sabese lo que i yera pasando se creyó una plataforma informadera y alternatiba a las fiestas de "Andramaxak" en que son implicau toz os coleutibos de chobentut, pescadors, esportibos, culturals,… que quereban unas fiestas ta o lugar. Asinas ellos mesmos creyón o suyo programa de fiestas, cartels distribuyius por toda la redolada, conziertos,…. tamién cal adibir-ie o diya d’os chobens que se biene zelebrando dende fa bels años y que ye nomás organizau y finanziau por os coleutibos. Iste diya se distribuyón pañuelos, chambretas,… y material rebindicatibo antimás de chilos y cantas en a "kalejira" prebia a la chenta que ha feito que o lugar se torne en un puesto rebindicatibo ta recuperar as suyas fiestas, con o lema "Herritxarran Andramaxak". De seguras que poco tiempo tornarán a recuperar-las, tanimientres a nusatros nomás nos queda felizitar istas aizions que por desgrazia somos abezaus a padezer-las en os lugars y ziudaz d’Aragón. Aquí encara no tenemos a fuerza y o refirme sozial ta que se faiga sentir dende os conzellos u a resta d’a poblazión, beyer como os biellos d’o lugar se mercaban os pañuelos u as chambretas rebindicatibas ye un feito al que por agora no podemos aspirar en Aragón.

As condenas d’a ipocresía

O zaguer mes de Chulio podiemos beyer en o parlamento europeyo una d’as más zinicas y ipocritas autuazions d’a ultradreita españolista. Os que dizen estar en contra d’o terrorismo y d’a supuesta manca de libertat, que ellos esparden, ebitón y no condenón l’alzamiento y a ditadura franquista en o suyo 70 cabo d’año. Toz os grupos politicos espresón o refuse y condenazión d’ista mena de terrorismo a eszepzión d’o representán d’o PP europeo Jaime Mayor Oreja y l’ultradreitista polaco Maciej Gyertich d’a "Liga de las Familias Polacas".

Ye paradochico beyer como cuan plegaba la parola, a o exministro d’interior y excandidato a Lehendakari, no fese garra referenzia a 1936 ni a o franquismo y sí a os que seguntes él amenazan a "concordia entre os españols". Cuantas begadas abremos sentiu surtir d’a suya boca que os que no condenan os autos terroristas son tamién terroristas, ….

A la chen que ya no se nos fa raro istas cosas continamos querendo trucar o ficazio d’as ferramientas que fazión desembolicar a guerra en tan fatidica calendata, os poders que o polaco "Maciej Gyertich" tornaría a nombrar en o suyo discurso: "Grazias a la Ilesia, l’exerzito y Franco, a enrestida contra a España catolica se podió superar".

Lochicamén a rispuesta d’os que sufren a represión cutiana d’os franquistas no se fazió asperar. Oras dimpués de saber-se a notizia representans de partius ilegalizaus por a "Lei de Partius", empentadas entre atros por Mayor Oreja, demandaban l’aplicazión d’ista lei a o PP por no condenar o franquismo. "Dengún puede fer más apología d’a bioleniza que qui sostiene que una dictadura faxista y asesina, como la de Franco, tenió chustificazión istorica"; a ditadura que seguntes Bronislaw Geremek (Liga liberal polaca) s’imponió en contra d’a libertat, a democrazia y l’Estau de dreito (¿tos sona?) y alpartó a l’Estau español 50 añadas d’Europa.

No ye l’unico puesto an que Chulio dixó entrebeyer as ipocritas condenas d’a biolenzia que dizen encabezar o PP. Y ye que en una entrebista feita a "Aznar" en a BBC dixó esclatera a suya opinión de que a OTAN bombardiase Libano como respuesta a Hezbolá si Israel estase miembro de l’Alianza Atlancia, como esfiende en a suya proposa de reforma d’a organizazión multilateral que empenta dende fa meses en diferens istanzias internaizonals. Como siempre, paix que as unicas bitimas d’o mundo son as que diz encabezar dende o suyo partiu y as organizazions que ha creyau: Basta Ya!, Foro Ermua, AVT,… como si os ya mils de zibils muertos en Libano y Palestina, a poblazión democratica republicana masacrada en o golpe franquista, as bitimas de Madrit de l’11-M,… estasen bitimas de segunda.

Irrazional Novallas 19 Agosto

Lamentamos dizir-tos que o conzierto ha estau suspendiu por causas allenas a l'organizazión.

Os Chuizios que amagan os meyos

Cuan astí por o 21 de Nobiembre d’a zaguera añada prenzipió a bista oral d’o macrosumario 18/98+, a “causa cheneral” contra a cucha abertzale rezibió en primeras un gran empente mediatico, con prous notizias que se miraban de confirmar as tesis d’o chuez Baltasar Garzón, a Fiscalía y os abogaus de l’acusazión particular. Pero estió prou unas pocas sesions ta que quedase en ebidenzia, no nomás o sinsentiu d’o sumario, sino tamién as graus chapuzas y despropositos que s’eban acumulau en a fase d’istruzión. Por atro costau, a imachen d’os más de zincuenta encausus yera mui luen d’a que se puede bender como a de “peligrosos terroristas”, y a suya determinazión politica y a consistenzia churidica d’os suyos abogaus meteba en más d’un apuro a o tribunal.
Asinas que, a o poco de prenzipiar, o chuizio d’o 18/98, l’alfaya d’a baralla chudizial de l’Estau contra o independentismo basco, desaparixió d’a mayoría d’os meyos.
Pero en istos güeito meses han pasau muitas cosas y iste chuizio se ha tornau, en buena mida, en un espiello de lo que ye a luita contra a cucha aberzale. En istos intes en os que o Gubierno español y o PP- y os suyos altabozes meyaticos- fan tantas menzions a la bichenzia y supremazía de l’estau de dreito, lo que se ha bisto ha estau un tribunal que se saltaba os alazez d’o Dreito, as leis y mesmo a dotrina de cortes internazionals; un sumario foradau por a desaparizión de documentazión; un firme desconoximiento d’a reyalidat d’Euskal Herria, plegando a produzir-se intes caricaricaturescos; y s’ha bisto tamién o disprezio d’a presidenta por os acusaus. Istos, por a suya parti, leban güeito meses condenaus a continos biaches ta Madrit ta pasar oras muertas posaus en un banquillo, con o desgaste fisico y o coste economico que ello suposa. Belunos han sufriu azidens, atros graus enfermedaz. Jokin Gorostidi murió poquet antis de tener que ir-ie a declarar. Con tot y con ixo, a suya determinazión contina firme y por un regular ideyan nuebas formulas ta denunziar ista situazión.
Pero una gran parti d’a opinión publica no se’n ha enterau de mica d’isto, porque ista causa ye impresentable mesmo ta qui aplaudión o suyo prenzipio. S’entibocón qui dizen que iste ye un chuizio d’o pasau. Debese estar-lo pero no’n ye. Ye un chuizio d’iste presén que no encaxa con o que debese estar un tiempo d’asperanza, pero que l’Estau s’enzerrina en mantener autibau ta emplegar-lo como una ferramienta más de desgaste y menaza.
O mesmo caso l’emos puesto beyer en un chuizio en Aragón, porque aquí tamién en tenemos, por a demanda de condena ta os tres ex-altos cargos d’o Menisterio de Meyo Ambién a os que imputaban bellas presuntas corruptelas en a tramitazión d’o proyeuto de recreximiento de l’entibo de Yesa dende o conzello d’Artieda.
A mayoría d’a chen de a piet no ese puesto prexinar que se yera fendo en Madrit un chuizio de tan alta grandaria y importanzia ta l’esbenidero d’a nueba cultura de l’augua en Aragón. Dende que prenzipió o chuizio tasamén se podión leyer bels comunicaus que l’asoziazión Río Aragón y o conzello d’Artieda feban y que plegaban con cuentagotas a los meyos. Bi eba un ambién de medrana en os meyos anti-meyoambién y pro-caziquils que no gosaban nian tartir por lo que podese pasar, y ye que yeran tan esclateras bellas pruebas y as razons por as que se inculpaban que se podeba beyeba un final feliz entre a boira d’auguas que rodian a istos lugars.
Pero a la fin l’aparato chudizial y mediatico de l’Estau ha feito de nuebas beyer as suyas garras. Malas que se conoxió a notizia d’o desestimamiento d’a demanda y a perda d’o chuizio por parti d’os bezins d’Artieda, toz os meyos pretón a eslampar portadas y ringleras de satisfazión; partius politicos y asoziazions de reganos clamando por un luego rematar d’as obras de toz os entibos d’Aragón.
Tanimientres asperaremos que istos meyos no tornen a autuar, será o siñal de que a nuestra bitoria i abrá plegau.

Fendo alcordanza: 70 añadas d´a Reboluzión Sozial.

Estiaño se´n fan 70 de bels feitos que marcón a istoria d´Aragón y de tot l´estau español. A sublebazión melitar y faxista d´o 18 de Chulio contra o gubierno d´o Fren Popular que desembolicó en una guerra zebil sinnificó tamién l´escomenzipie d´un prozeso reboluzionario que a clase treballadera beniba chestando dende años antis.

A rispuesta a o faxismo, brazo armau d´a burguesía, per parti d´os treballadors estió a mobilizazión popular, a esichenzia a o gubierno republicano de prener as armas ta esfender a libertat y a creyazión en bels puestos de l´estau de nuebas trazas reboluzionarias de organizazión sozial y economica. Aragón concretamén estíó un d´ixos puestos, y o más importán, an que se lebó a cabo ixa faina.

O país quedó trestallau en dos metaz cheograficas y politicas, estando a metat oriental que resistió a o faxismo baxo control mayoritario d´a CNT, o que permitió un prozeso de coleutibizazión d´as tierras d´os lugars y d´autochestión per parti d´os treballadors, de traza que dende chulio de 1936 dica agosto de 1937 se proclamó lo comunismo libertario y se i creyón más de 400 coleutibidaz rurals en as que i feban bida 150.000 personas. S´eslichió un organo instituzional de coordinazión que se clamó Consello d´Esfensa d´Aragón u Consello d´Aragón, de primeras endrezau per CNT pero en o que dimpués i partizipón as atras fuerzas de cucha, mesmo lo PC y que autuaba con gran ran d’independenzia d´o gubierno republicano.

Aragón estió eszenario d´una esperienzia cuasi unica n´a istoria d´a umanidat, fueras d´atros intes como a Comuna de París, u a Reboluzión d´os Soviets en Rusia antis d´a burocratizazión. Os treballadors meteban en prautica a masima de que a emanzipazión d´a clase obrera ha de estar feita per ella mesma y se prozedeba a la coleutibizazión d´os meyos de produzión, a la organizazión orizontal y asambleyaria d´a soziedat, y a l´abolizión d´o treballo asalariau y d´os diners. Mientres en a linia d´o fren se combatiba o faxismo en a retaguardia se feba la Reboluzión. Dentro d´o trachico eszenario d´a guerra, o pueblo aragonés estió per primer y zaguer begada en a suya istoria amo d´o suyo esdebenidero, crebó os estrinques d´a explotazión capitalista y sentó os alazez d´una nueba soziedat en libertat y igualdat.

O gubierno republicano prebó de controlar l´Aragón libertario per o suyo cariz autonomo y soberano respeuto a la Republica española. D´a mesma traza, l´estalinismo contrarreboluzionario no beyeba con buenos güellos un prozeso politico que no controlaba y que amostraba a o mundo que yera posible construyir o sozialismo dende abaixo, sin a suya tutela, con l´auto-organizazión popular. Y a la fin en agosto de 1937 o presidén español Juan Negrín quitó un decreto de disoluzión d´o Consello d´Aragón y d´as coleutibidaz, estando a IX Dibisión de Lister y d´o PCE a encargada de fer-lo per a fuerza. Y dimpués, a represión y persecuzión contra os coleutibistas. Represión que s´estendillaba tamién difuera d´Aragón a radiz d´os afers de mayo de 1937 en Barzelona, a toz os comunistas d´o POUM y anarcosindicalistas d´a CNT fren a la linia conserbadera mantenida per l´alianza d´o republicanismo burgués y l´estalinismo.

As coleutibidaz sinnificoron con os suyos aziertos y as suyas errors, a mayor esperienzia reboluzionaria y soberana que emos bibiu os aragoneses. En ixe periodo que tasamén duró un año iste pueblo metió en prautica os conoiximientos de decadas de luita d´a clase obrera y amostró que podemos bibir de traza diferén a la que mos imposa o sistema capitalista. Prou que muitas d´istas cosas serán conoixidas per asabelo d´os que i leyez, pero tamién bi´n abrá muitos que no pas, Cal alcordar-nos-ne y amostrar-lo perque ye parti d´a memoria d´iste país y d´o conchunto d´a clase treballadera.

A Sacralizazión d'as Fiestas

Ya somos en o berano, y como todas as añadas ye la puenda an que más fiestas y zelebrazions se i chuntan. Más que más en os países mediterranios y con un orache que faiga onra ta l’acullida de chen en as carreras. Muitos dizen qu’ixo nomás pasa en l’Estau español, que ye uno d’os rasgos d’una cultura unica "typical spanish"; pero de seguras que qui dizen ixo no s’abran paseyau por as fiestas d’a Toscana italiana, Sardinia, Grezia u Croazia. Y cuan nusatros somos en a puenda ibernal a chen d’os países de l’emisferio Sur como Brasil, Uruguay u Archentina tamién se encargan de contrimostrar-lo.

A custión ye que malas que plega a Primabera, y más que más o berano, os nuestros lugars y ziudaz se plenan de fiestas y zelebrazions. Encara que ta una mayoría de chen laica istas fiestas ya no representan garra adorazión u benerazión a garra santo u birchén, a reyalidat ye que todas istas portan un nombre que fa referenzia a la bida relichiosa. Fa bellas semanas beyemos como en o internazional pregón d’os "San Fermins" Xabier Eskubik conzellal d’Aralar en Iruña gosaba eslampar un ¡Biba as fiestas de San Fermín! y no pas o serbil chilo de "Biba San Fermín", un ombre que dengún d’os astí presens nunca no eban conoxiu y mesmo se desconoxe d’a suya esistenzia beridica.

Exemplos en tenemos ambute en tot Aragón, y cuan plega o mes d’Agosto toz os nuestros lugars tienen bel Santo t’adorar plegando a la fuga d’o 15 d’Agosto cuan amanixen as birchens por toz os costaus.

Eszepzions bi’n ha dentro d’Aragón, podendo-se prener como exemplo ta la conmemorazión de futuras fiestas. Ferias y fiestas que remeran cuan antismás se chuntaban en a benda de ganau u mastos, lugars como Biescas, Boltaña u Borja remeran ixas ferias que a la fin s’han tornau en as fiestas grans d’o lugar..

Prou que istas fiestas no son fixadas en calendatas aleatorias, a Ilesia cuan prenzipió a cristianizar Europa en os tiempos d’os romans se encargaría de fixar as calendatas d’adorazión cuan más y millor acullida tenesen entre a poblazión. De toz ye sabiu que o Nadal no prenzipió a zelebrar-se con a cristianizazión y dinantes a chen de toda la Tierra ya zelebraba o solstizio d’Ibierno, asinas como o solstizio de Berano que a Ilesia s’encargaría de trasformar en o diya de "San Chuan". No solo que ixo, sino que a sacralizazión de ritos como palotiaus i ha estau perén, por no charrar d’a "españolizazión" de ritos relichiosos en romerías y prozesions, imno d’España incluyiu. Exemplos en i hai ambute y muitos d’os lugars d’Aragón que han bisto como baxaba o suyo zenso d’abitadors han cambeau as calendatas d’as suyas fiestas enta o berano. Por lo tanto a fin d’a fiesta ya no abría d’estar relichiosa sino ludica y soziabilizadera. Y todas as autibidaz que se i fesen abrían d’estar culturals.

Cuan ya fa más de diez añadas as asoziazions culturals y coleutibos d’o bico d’a Madalena se planteyón organizar as fiestas d’o suyo bico toz coinzidiban en que no eban d’estar con una fin relichiosa, y encara que o nombre d’o bico en ye, remataría clamando-se como güe la conoxemos "Semana Cultural d’a Madalena".

XIX Semana Cultural del Barrio de la Magdalena

Viernes 16 de junio 2006
14.45h. COMIDA POPULAR en la calle Palafox (Org. C.S.O. Rasmia)
18h. GUERRA DE AGUA, salida del CSA 451.
22h. CROSS NOCTURNO.
Salida de la Plaza de la Magdalena. Inscripción: 2€, del 5 al 15 de junio en
Recicleta (de 9 a 13h.) IES Pedro de Luna (de 16 a 20h) y en la A. Barrio
Verde (de 20 a 23h.). Piscolabis para todos los participantes en la plaza San
Agustín.
23h. VERBENA DE LATA en la Plaza San Agustín. (Org. Komando Güebo)
Sábado 17 de junio 2006
12h. VIII BICICLETADA POR EL CASCO VIEJO. Salida de la Pl. de La Magdalena.
(Org: Recicleta y AMAI)
13h. GUERRILLA EN EL PARTERRE. Jardinería en la calle San Cristóbal. (Org: A
Enrestida)
15h. COMIDA POPULAR en la Plaza de La Magdalena. (Org. CSA 451)
18h. DOCUMENTAL: Puente Llaguno en el local de las JCA. (Org. JCA)
21h. CONCIERTO en la Plaza San Agustín: Rebel spell, Mallacán y The Solanos.
Domingo 18 de junio 2006
PRESENTACIÓN DE LA ASOCIACIÓN VECINAL DE LA MADALENA
10.30h. PASEO GUIADO por el barrio, salida de la plaza de La Magdalena (Org.
A.VV. Lanuza-Casco Viejo)
11:30h. CHARANGA por las calles del barrio, salida de la Plaza de La
Madalena.
12h.VERMÚ en la Plaza de la Magdalena:
-Presentación de la A. Vecinal de La Madalena.
-Mesas de colectivos del barrio.
-Reparto de plantas.(Org. A.VV. Lanuza-Casco Viejo)
-Traca de inicio de las fiestas.
- Fotos de familia, posa con tu gente en los únicos tres bancos de la plaza.
14.45h.COMIDA AFRICANA en la calle Dr. Palomar.
17.30h. PASEO GUIADO por el parque Bruil, salida desde la Terraza del parque.
En todos los actos habrá una mesa informativa para que conozcas esta nueva
Asociación.
20h. EXPOVISIÓN: Festival Universal de la Canción, en el Centro Laín
Entralgo, entrada libre. (Org. Barrio Verde) 
...............................

Viernes 23 de junio 2006
14.45h. COMIDA POPULAR en la Plaza Asso. (Org JCA)
19h. CAMPEONATOS DE GUIÑOTE Y DE TABÚ en aragonés, en el local de la A.
Nogará. (Org. A.C. Nogará)
20h. CARRERA DE BICIS INVERSA, gana el último que llegue, en el parque del
Canódromo.
21h. PASACALLES DE DIAPLES, bruixas y batukada por las calles del barrio.
Salida de la A. Barrio Verde.
23h. HOGUERA DE SAN JUÁN, en el parque Bruil. Actuación de KADUN KARAMA
(percusión y danza). Trae madera para la hoguera.
Sábado 24 de junio 2006
11h.TORNEO TRIANGULAR de Fútbol alevín: Magdalena, Aloy Salas, Torrero.
En el C.D.M. Alberto Maestro.
14.45h. COMIDA POPULAR en La Plaza San Agustín. (Org. La Revuelta)
18h. 2º CAMPEONATO DE PARCHÍS, en A Enrestida .(Org. A Enrestida)
18h. RALLY HISTÓRICO-FOTOGRÁFICO por el barrio. Salida de la Pl. de la
Magdalena.
19.30h. RUGBY TOCATA, en el parque Bruil. Inscripciones hasta 3’ antes del
Tercer tiempo.(Org. El Gato Volador)
21h. CONCIERTO en la Pl. San Agustín: Chicharrica, Prau, Noise & Oi, Dj’s R de Rumba y Paranoise.
Domingo 25 de junio 2006
8.30h. CUMBRES VIVAS: Ascensión al Castillo de Acher (Val d’Echo), por una
Ley de Protección de la Montaña. Salida de la Pl. de La Magdalena. (Org. Club
de Montaña Barrio Verde)
14.45h. COMIDA POPULAR en la C/ Mayor. (Org. A Enrestida)
19h. CERTAMEN DE RELATOS, entrega de premios en A Enrestida. (Org. A
Enrestida)
20h. CERTAMEN DE VIDEOMINUTO: La Madalena con sorpresa, en el CS El Treziclo.
23h. TRACA FIN DE FIESTAS y champán en la Plaza de La Magdalena.

___________________________________________________________

EXPOSICIONES durante toda la semana:
- K-PINTAS: Libertad de expresión. Inauguración 16 de Junio.
- BIROSTA VEGETARIANO: R, P off, oficina del collage.
- CSA LA REVUELTA: Asaltos contraculturales.
___________________________________________________________

ORGANIZAN:
A.C. Barrio Verde, A Enrestida , A. Vecinal de La Madalena, A.C. Nogará, A. La Galleta, A.VV. Lanuza Casco-Viejo, APA del IES Pedro de Luna, Agencia Medioambiental Ibón, Birosta, C.S.A 451, C.S.A La Revuelta, OMSIDA, C.S. El Treziclo, CSO Rasmia, Club de Montaña Barrio Verde, Diaples de Torrero, El Gato Volador C.R., Imprenta Germinal, Juventudes Comunistas de Aragón, Komando Güebo, Recicleta, Kiosco del Parque Bruil, Kiosco del Canódromo, Entalto, Pottoka, Gallizo, y todos los músicos, vecinas, amigos y amigas... que hacen que esta Semana Cultural sea posible.

A luenga que se nos eslampa, a luenga que no nos dixan sentir.

Ista ye un prueba ta ir beyendo como ba a quedar o nuestro blog.

Bienvenido

Ya tienes weblog.

Para empezar a publicar artículos y administrar tu nueva bitácora:

1. busca el enlace Administrar en esta misma página.
   
2. Deberás introducir tu clave para poder acceder.

Una vez dentro podrás:

• editar los artículos y comentarios (menú Artículos);
  
• publicar un nuevo texto (Escribir nuevo);
  
• modificar la apariencia y configurar tu bitácora (Opciones);
  
• volver a esta página y ver el blog tal y como lo verían tus visitantes (Salir al blog).

Puedes eliminar este artículo (en Artículos > eliminar). ¡Que lo disfrutes!