Se muestran los artículos pertenecientes al tema Cronicas.
A cultura aragonesa en contra d’os entibos en Iruñea
O 23 de Febrero yera o diya en que os/as aragonesas chunto a la chen basca refirmarían a suya posizión en contra d’os entibos y as grans obra idraulicas, personificadas en istas zagueras añadas en Itoitz y Yesa. A las 5 oradas prenzipiaba una manifestazión por as carreras más zentricas de Pamplona an que cuasi 4.000 personas refirmarían con a suya asistenzia, tanto chen d’Euskal Herria como chen d’Aragón. Bels colectibos como l’asoziazión “O Salzar” d’Artieda que organizaba; u A Enrestida y o B.I.C. que i refirmaban estión a nota aragonesa que plenó de color a manifestazión. En a foto podemos beyer una “tranga” que tamién acompañó a manifestazión chunto con a colla de gaiters doble G que fería sonar o suyo repertorio pleno de cantas de luita y fiesta.
A la fin, o comunicau que eba serbiu de convocatoria -en aragonés- estió leyiu en a plaza d’os fueros de Nabarra chunto a o suyo omonimo en euskara y castellano. Tamién ixotas y bertsos enfuelgón os chilos de refuse d’a chen que diz prou a ista esferra.
Una nuet mui espezial
O biernes yera o diya cuan A Enrestida, magofermín, Fendo Orella, Nogara,… y en cheneral toda la chen que querió amanar-se ta o Z.S.A. A Enrestida omenacheaba a “La Orquestina del Fabirol”. A tardi d’o 22 de Febrero prenzipiaba con un espezial “Fendo Orella” sobre ista colla chistabina que antiparti estió acompañau por una entrebista a la colla “Dechusband” que bels menutos dimpués iban a actuar ta ista chornada.
Ya de tardis bels donzainers enfuelgarían a plazoleta y o callizo San Cristobal tanimientres s’acotolaba una chiqueta brenda bechetariana.
O Z.S.A. A Enrestida ya yera prestó con toz os instrumentos ta que a ixo d’as 22:00 prenzipiasen a tañer-se por a “Dechusband”, una colla que china chana ba dando trangos de calidat que puestar que en bel poco tiempo faigan brincar a la cultura aragonesa enta o más altero d’o Pop-rock aragonés.
Malas que prenzipió o conzier
... (... contina)VII Chornadas de Unibersidá. Procheczión: Aragón. 25 años después.
O chuebes yera un diya espezial, antiparti de que en Zaragoza plebeba (cosa cada begada más rariza), se feba a primera procheczión d’un nuebo documental sobre Aragón. As VII chornadas que o colectibo “Unibersidá” organiza sobre os dreitos y libertaz d’Aragón feban a presentazión d’o documental “Aragón. 25 años después” feito por Miguel Montañés y Isabel Soria, y con a
... (... contina)L’aragonés se fa sentir en o ”Oinez’07”de Viana
Yera a primer begada que una colla aragonesa tañeba en iste festibal por l’euskera y de seguras que a mayor parti d’a chen que i yera no’n sabeba guaire de l’aragonés, y ixo que somos países bezins. Pero a maquinaria de l’Estau ye mui fuerte y o desconoximiento ye a suya ferramienta.
Pero estoi que a partir d’o domingo a cosa cambiará; en o cartel d’o “Nafarroa Oinez’07” de Viana se podeba beyer que tocaban a zaguera ora y en l’eszenario 1 d’o lugar (clamau “Erentzun”) una colla d’Aragón, o nombre “Prau”.
Encara que a plaza no yera plena a rebutir tampoco no podemos dizir que toda la chen que i yera, yera d’Aragón porque a berdat ye que tampoco no bi’n eba guaires. Pero en bels momentos se i creyó un buen ambién.
Malas que ba comenzar os comentarios entre canta y canta surtiban d’as bozes de Prau: explicando a reyalidat trilingüe d’Aragón, refirmando l&
... (... contina)O millor d’o periodismo descolonizau en A Enrestida
A colonizazión estió uno d’os terminos que más esclateros quedón en a charrada que podiemos sentir o zaguer biernes 19 en o Z.S.A. A Enrestida, dentro d’as chornadas d’o 300 cabo d’año d’a ocupazión española d’Aragón.
Porque o ponén d’ista charrada, Chorche, periodista, dixó prou esclatero a diferenzia entre o periodismo aragonés que s’abría de fer en toz os meyos de comunicazión que asinas se definen y o que en l’actuilidat se fá en “toz” ellos.
O libro d’estilo ye una d’as caracteristicas que millor podrían definir l’españolismo d’os meyos aragoneses, tanto escritos, como radio, como audiobisuals. Chorche fazió una presentazión an que beyemos exemplos ambute d’a prensa escrita, puesto an que os terminos nazional, país, u as primeras personas son irrefutablemén identificaus con l’Estau español. Y unatra ripa
... (... contina)
Mosica y Cultura en os Pilars de A Enrestida
Atra añada más, y ya en son cuatro, A Enrestida se tornó en punto de referenzia a lo largo de toda las semana d’os Pilars en Zaragoza. Y ya no somos sólo que charrando de borina y enfuelgue, sino de cultura y exaltazión mosical. Un punto de trobada an que charrar con a chen u compartir experienzias, y talmén o prenzipio de bel nuebo prochecto.
Y asinas o primer diya de fiestas podiemos beber-ie y sentir a os representans de dos fiestas, prou beteranas, en a rebindicazión de dos luengas minorizadas bezinas: “Nafarroa Oinez” con euskara y “L’aragonés en a carrera” con l’aragonés. Peio y Chan, respectibamén, nos contón as dificultaz y as alegrías de más de 25 añadas rebindicando istas luengas, fendo-lo d’una traza festiba y de bez podendo finanziar a suya amostranza en cambras de tot lo territorio.
A borina bi continaría ixe mesmo diya y a lo largo de toz os Pilars, de bez que se colaboraba en a nueba plataforma “B.I.C.” con barras en a Plaza Asso. Toda la informazión sobr
... (... contina)El Matarranya a “A Enrestida”
Con enchaquia d’atras fitas ya ébanos charrau en iste mesmo blog sobre o bullir cultural y asoziatibo d’a Comarca d’o Matarranya. En muitas begadas o nuestro colectibo ya ha colaborau con chen d’astí, asoziazions y collas mosicals. Pero ista begada yeran ellos los que nos besitaban, en o nuestro zentro sozial, dentro d’as chornadas “Anti-Sgae” de Magofermín y tamién ta presentar-nos o nuebo CD “Sons del Matarranya”.
Iste disco-replega ye trestallau en dos discos pretos, en que o primero ye adedicau a collas rock y o segundo a cantas más tranquiletas y mosica d’autor. Todas ellas en catalán y con collas d’Aragón.
Istos zaguers, os cantautors, serían os que ferían presenzía en un puesto como o nuestro zentro sozial, encara no parau ta grans conziertos mosicals. Antimás aprofeitemos a oportunidat de que belunos d’istos mosicos son bibindo en Zaragoza. “Duo Recapte” y “Temps al Temps” serían os encargaus de fer-nos una muestra d’o que podemos trobar en o segundo disco de “Sons del Matarranya”; y “Zarapolis” con a suya mosica d’autor y presentando unatro disco, ista begada en contra de “SGAE” en Rec’n Play.
D’una traza progresiba ir&
... (... contina)Atra traza de buena mosica combatiba con Pirat's Sound Sistema
Los que asistiemos o biernes 4 de Mayo ta l’Arrebato podiemos beyer o millor exemplo de como a mosica de luita s’esbiella y plega a limites d’una gran calidat. Os sonius electronicos de reggea, drum&bass, dance hall u hip hop se mezclón con as bozes en castellano, aragonés y catalán d’as bandas que pasón por l’eszenario de l’Arrebato. Debán d’a pancarta feita por o colectibo A Enrestida que deziba: Dos pobles la mateixa lluita / Dos pueblos a mesma luita, i actuón “Colectibo de Topos”, “Hardcólikos” y “Pirat’s Sound Sistema”. As dos primeras collas compartindo cantas, colaborazions y dj nos cantón sobre muitos d’os problemas que ellos beyen, dende a suya chobentut, a suya critica y o suyo lugar, Andorra (Teruel). En cheneral cantas de hip hop, con bella mezcla reggea y sonius electronicos.
A fuga d’o conzierto i plegaría cuan Pirat’s Sound Sistema puyón ta l’eszenario; un perfeuto soniu nabegau dende a mesa por un tecnico; o suyo dj: tot un “crack” espezialista en sonius de toda mena en una Sound System y os dos cantans con una perfecta puesta en eszena de mobimientos, chestos y can
... (... contina)A TORTURA N´O ESTAU ESPAÑOL
O pasau 29 de marzo y dentro d´as autibidaz prebias a la VI Marcha contra la Macrogarchola de Zuera que se ferá o benién 15 d´abril, se fazió en a Facultat de Filosofía y Letras d´a Unibersidat de Zaragoza una charrada baixo lo titol de “Biolazions de Dreitos Umans en l´estau español”. Iste auto parau per a Iniziatiba Ziudadana contra las Garcholas que organiza toz os años a Marcha a Zuera contó con a presenzia como ponén de Jorge Del Cura, biello luitador per os dreitos d´as personas presas, miembro entre atras organizazións d´a Coordinadera ta la Prebenzión d´a Tortura (CPT) y ex-presidén de l´Asoziazión Contra la Tortura. Cal siñalar que a pachina web d´ista Asoziazión estió zensurada fa bels años per l´Achenzia de Protezión de Datos y les ne multó con 60 millons d´as biellas pezetas per fer publicos os informes añals de casos de torturas.
De primeras se i fazió una esferenzia entre dos trazas de tortura, a inquisitiba, feita per as autoridaz u funzionarios publicos ta quitar bella informazión, per un regular en autuazións tocans a la clamada “luita antiterrorista”, y a punitiba, que tien per ocheto ca
... (... contina)CHARRADA PRESOS POLITICOS COLOMBIANOS
O zaguer sabado 10 de Febrero remataban as Segundas Chornadas Internazionalistas adedicadas a Colombia que se han feito durante a semana pasada en o Z.S.A. A Enrestida.
A fita trancaba con una charrada-rufierta que feba o Comité de Solidaridat con os Presos Politicos de Colombia, d’o cual i binión dos d’os suyos miembros esplicando-nos a grau situzión de biolazión de dreitos que de contino se da en ixe país.
Tamién se i proyeutó una zinta que fazió dita organizazión denunziando as torturas, as preturas d’as garcholas, o espezial seguimiento a presonas embrecadas en mobimientos politicos contrarios a l’estau u simplemén de carauter sozial y antimás abusos feitos por l’Estau y os suyos paramelitars. En a zinta podiemos beyer imachens reyals grabadas dentro d’as garcholas y testimonios de bellas bitimas enrestidas por l’exerzito, a polizía y os paramelitars d’estrema dreita.
Tamién nos i esplicón o punto an que se troba o conflito armau d’ixe país, que con aparienzia de domocrazia, fa serbir o terror y a fuerza ta fer desaparixer a la disidenzia y a la poblazión zebil muitas begadas no posizionada en garra postura d’a dos, y que lo fan beyer más fazil iste conflicto inbentando-se as denominazión de "narcoterroris
... (... contina)Omenache a Manuel, o comandante "Cura Pérez"
A tardi d’o Chuebes yera a segunda d’as II Chornadas internazionalistas que A Enrestida organiza toz os años por istas calendatas. Estiaño charraríanos d’un país conflitibo, Colombia, pero pleno de rasmia de muita chen que quiere rematar con sieglos de represión y fambre por meyo de guerrilas de mui diferens menas. En Aragón a situazión d’iste país latinoamericano ye seguida fito-fito por un comité de solidaridat, más que más con o ELN y seguindo a trayectoria d’un d’os aragoneses que más ha feito por a reboluzión y a luita por un mundo más chusto, o cura "Manuel Pérez". A chen que asistiemos a o Z.S.A. A Enrestida podeimos beyer una zinta en que se resumiba a bida d’iste aragonés de Alfamén, dende que se ordenó mosén dica que murió en a selba colombiana omenacheau por meyo millar de combatiens de l’ELN. El plegó a dirichir ista guerrilla colombiana dende 1973 dica la suya muerte en 1998 y, como podiemos beyer en a zinta, representó una d’as corriens sozialistas que siempre se miró de chuntar a todas as guerrillas de Colombia a treballar en un fren común por a chustizia y a dignidat. Dimpués de pasar por a Republica Dominicana sería expulsau d’a suya parroquia de Colombia por a Ilesia debiu a la suya umildat y dedicazi&oacu... (... contina)“Autochestión y Coleutibidaz en Aragón”.
En primeras i charró Rafael Cid que fazió incapié en a carauterizazión como “epopeya” d´os feitos que bibió a clase treballadera en 1936, una epopeya esconoxida y amagada tanto dende o bando faxista, lochicamén, como dende o seutor republicano burgués y o PCE.
Siñaló l´añada de 1969 como una calendata reseñable en a crebadura d´ixe silenzio con a publicazión per Noam Chomsky d´un articlo sobre os inteleutuals españols y a guerra zibil, an que creticaba parti d´a obra de l´istoriador Gabriel Jackson
... (... contina)Un conzierto de chirmandat
Iste sabado, diya 20, autuó en o Zentro Sozial Autochestionau A Enrestida, o choben cantautor catalán, de Vilafranca del Penedès, Cesk Freixas.
Cesk s’ha tornau en poquet tiempo en a gran promesa dentro d’o panorama d’a canta protesta en catalán, en os Països Catalans, chunto a atros conoxius como Feliu Ventura u Pau Albajos, arroclando a clamada "nova cançó de protesta", que contina o camín d’os clasicos Lluis Llach, Ovidi Montllor, Raimon…L’autuazión estió tot un exito, con a presenzia en o conzierto de más de 70 personas, y as suyas cantas comprometidas sobre l’autodeterminazión d’os pueblos, a chustizia sozial, os presos politicos u a cultura popular, dixón una buena sensazión entre a chen que i asistión.
As cantas en catalán d’o suyo primer treballo "Set voltes rebel" se fuón intercalando con bellas bersions conoxidas por toz, de cantautors internazionals como Victor Jara u Silvio Rodríguez. Antimás de contrimostrar entre canta y canta a suya solidaridat con o pueblo aragonés (asinas como a resta de países oprimius) u con a luenga aragonesa fendo buena pacha, una begada más, entre Aragón y os Països Catalans. Contrimostrando que somos
... (... contina)L’academia de l’aragonés en as chornadas de “Unibersidá”
Dentro d’as “VI Chornadas por os dreitos y libertaz d’Aragón” o coleutibo unibersitario “Unibersidá” eba combidau o chuebes 21 d’Abiento a bels academicos d’a rezién creyada Academia de l’Aragonés. Ellos nos esplicarían como iba caminando l’academia, o por qué d’a suya esistenzia y cuals yeran os preyeutos esbeniders.
A la fin podiemos beyer a tres d’os académicos más autibos de l’academia y reperesentans d’as bariedaz más representatibas de l’aragonés. Prenzipió a charrada o secretario Fernando Sánchez, seguiu d’o suyo presidén Manuel Castán y o grueso d’a charrada sería esplicaniada por o suyo tresorero Juanjo Lagraba.
A poca chen que astí yéranos ya sabébanos d’o trascurso de “Chuntos por l’aragonés” y d’o “II Congreso” dica plegar en l’academia, con lo que a c
... (... contina)Enguerada a siede A Enrestida d'a biblioteca Frida Kahlo
Dende iste sabado 16 d'Abiento ya tenez un nuebo puesto de trobada cultural en o Z.S.A. A Enrestida. Astí s'engueró a suya nueba biblioteca, siede d'a biblioteca Frida Kahlo que antimás cuenta con atras siedes en o bico d'a Madalena: a siede d'o coleutibo Rebel en a carrera Cantín y Gamboa, y o ya conoxiu por toz bar a Birosta en a carrera Unibersidá. As sezions que por agora se pueden trobar-ie son as que iste coleutibo gosa tratar en as suyas autibidaz cutianas: tales como internazionalismo, Aragón, luengas d'Aragón, periodismo d'imbestigazión, garcholas,...
Asperamos que iste puesto se torne en un motibo más que faiga que a chen s'amane ta la cultura y ta iste zentro sozial autochestinau. Os intresaus en fer-se-ie sozios nomás han de acudir-ie y donar un libro, ascape tendrás o tuyo carnet y podrás entrar en tot un mundo literario y cultural que a begadas ye de difízil trobar en as bibliotecas combenzionals.
TROBADA DE CANTAUTORS EN A ENRESTIDA
Unatro cabo de semana más i eba trobada cultural en o Z.S.A. A Enrestida. Iste sabado 2 d’Abiento l’asambleya Anti-expo Zaragoza eba dezidiu de fer una Trobada de Cantautors en o nuestro zentro sozial dentro d’unas chornadas en refirme a ista plataforma. Cantautors benius dende Barzelona, Toledo u Bilbao nos contarían, fendo serbir a mosica, as suyas inquietuz y os problemas d’as suyas ziudaz. Atros zentros sozials, como a "Revuelta", y a nuei anterior "Rasmia", ya eban aculliu tamién ixa mesma tardi l’autuazión d’atros cantautors.
Pero a nuei d’o sabado se presentaba bien, os zenisers s’iban emplindo de bez que os nierbols s’apoderaban d’os cantautors y tan ascape como s’iba plenando o zentro sozial. "Grado Cosmético" y "Claro que sí" yeran os encargaus de fer plegar ta las nuestras orellas o mensache, con o simple soniu d’as suyas bozes, guitarras y mesmo bella armonica. Cantas sobre os problemas d’una ziudat castigada por as drogas, Bilbao, d’una larga baralla por a desaparizión d’as garcholas y muitos atros temas que bien podemos padezer en atras ziudaz como Zaragoza.
Ta rematar una choben y un choben rezién plegaus de Barzelona nos contarían, cantando prou bien, as suyas ideyas y bibenzias plenas d&rs
... (... contina)A Enrestida unatra añada puesto de trobada y dinamizazión en os Pilars
Como en as zagueras añadas a chen de A Enrestida ha quiesto que o suyo zentro sozial estase punto importán y de trobada en os Pilars de Zaragoza. Una serie d’autibidaz d’os clamaus "Pilars disidens", os charrazos entre amigos con nuebos proyeutos, autuazions improbisadas y puesto d’acullida ta ixa chen de difera que surte de Zaragoza con atra imachen d’a que i dentró.
O primer cabo semana a chen embrecada en o pasabillas, organizau por segunda añada por A Enrestida, y a que fazió parti d’a manifestazión independentista bendrían a aprofeitar y disfrutar de l’ambién que se i creyó. No serían os unicos diyas, pero en o preto d’os Pilars de 2006 s’eba combocau una fiesta en a carrera que a plebia s’encargaría d’auguar.
Con tot y con ixo a borina continaría a lo largo de toda la semana, un ambién no comerzial, una alternatiba ta la chen que gosamos bibir por a Madalena y una opzión, tanto mosical como de puesto, diferén a o borreguismo fiestero de puestos como Interpeñas u, estiaño con l’anunziau desfile comerzial de mosica eleutronica en o meyo d’o Paseu Independenzia. Ixa mena de fiestas ye la que quieren que tiengamos, nusatros siempre miraremos de que isto no pase. As nuestras fiestas serán como nusatros queram
... (... contina)AS DITRIBUIDERAS LIBRES CONTINAN EMPENTANDO
Ya somos abezaus a que, mesmo en os ambiens más alternatibos, se prenga como común que collas de mosica partizipen u colaboren con distribuideras comerzials. A begadas paix que a unica traza de que sigas bien considerau en o mundo d’a mosica ye rilazionar-te con as altas esferas d’a mosica en Aragón. A poqueta chen que o zaguer sabado estiemos en o Zentro Zebico Bal de Fierro quedemos refirmaus en que a mosica de calidat no ye en baralla con lo no comerzial, ni en Aragón y en atro puestos.
Una d’as distribuideras más beteranas en isto d’a mosica libre, Mala Raza, y unatra que ha prenzipiau fa pocas añadas, Magofermín, yeran as encargadas d’a organizazión d’iste conzierto. A predisposizión d’a chen d’o Zentro a fer conziertos aduyó a organizar-lo, y ye que unas instalazions como las que i tienen no pueden estar malfurriadas. A begadas no conoxemos a cantidat d’espazios que bi ha en Aragón ta fer conziertos, encara que ya sabemos que o refuse a ista mena d’ebentos dende o Conzello de Zaragoza mete as cosas asabelo difízils. No sólo que ixo son as dificultaz con as que se troban a chen que organiza conziertos: SGAE, equipo de soniu, finanziazión y o luen an que se troban belunos d’istos zentros. Ista zaguera dificultat chunto a la cantidat d’ebentos que bi eba iste cabo se
... (... contina)O refuse no atura
Encara no ebanos charrau guaire sobre iste tema pero, a l’igual que en muitas atras ziudaz d’o mundo, en Zaragoza se bienen fendo conzentrazions en refirme a o pueblo de Libano y Palestino todas as semanas.
Dende que prenzipiasen os bombardeos y os trucazos d’Israel contra la poblazión zibil de Libano toz os martes i hai una fita con l’internazionalismo solidario en a plaza d’España de Zaragoza a’l canto de l’edifizio d’a Deputazión Probinzial de Zaragoza. Encara que no son buenas calendatas ta estar perén en a tuya ziudat, l’asistenzia de chen podríanos dizir que ye cuasi masiba toz os martes a ixo d’as güeito d’a tardi. Chen de cuasi toz os coleutibos alternatibos de Zaragoza y mesmo bels politicos se i pasan a ormino. O mesmo 22 d’Agosto en plenas bacanzas de berano se tornón a comobacar-ie zentenars de personas ta denunziar "l’afán expansionista de l’Estau d’Israel". L’auto como toz os que emos puesto acudir a lo largo d’o mes de Chulio y Agosto estió combocau por o Foro Palestina Libre de Zaragoza, os cuals reclaman, como no puede estar d’atra traza, "a restituzión inmediata de l’integridat d’o territorio libanés y a suya soberanía nazional" asinas como que Israel apañe de tot a esferra que
... (... contina)
.