Una nuet mui espezial

O biernes yera o diya cuan A Enrestida, magofermín, Fendo Orella, Nogara,… y en cheneral toda la chen que querió amanar-se ta o Z.S.A. A Enrestida omenacheaba a “La Orquestina del Fabirol”. A tardi d’o 22 de Febrero prenzipiaba con un espezial “Fendo Orella” sobre ista colla chistabina que antiparti estió acompañau por una entrebista a la colla “Dechusband” que bels menutos dimpués iban a actuar ta ista chornada.

Ya de tardis bels donzainers enfuelgarían a plazoleta y o callizo San Cristobal tanimientres s’acotolaba una chiqueta brenda bechetariana.

O Z.S.A. A Enrestida ya yera prestó con toz os instrumentos ta que a ixo d’as 22:00 prenzipiasen a tañer-se por a “Dechusband”, una colla que china chana ba dando trangos de calidat que puestar que en bel poco tiempo faigan brincar a la cultura aragonesa enta o más altero d’o Pop-rock aragonés.

Malas que prenzipió o conzierto Roberto y Elena se i fazión presens y o primer puyó enta l’eszenario ta parlar unas parolas. Agradexió tot lo que se yera fendo por ellos, en espezial a A Enrestida que le remeraba a os suyos tiempos chobens de luita en Zaragoza. Dixó mui esclatero que no quereban garra diners, que se’n eban enterau fa poco d’istas replegas de diners que nunca no iban a azpetar, asinas que agradixeban o refirme moral y asperaban que a chen disfrutar-se muitas añadas más de “La Orquestina” y ixa nuei con a “Dechusband”.

Muitas grazias a la gran cantidat de chen que se amanó ixa nuei, con o refirme de toz “La Orquestina” entadebán!